Drejtor i Qëndrës së Studimeve Strategjike në Romë Itali zhvilloi leksione me studentët e Kursit të Lartë të Sigurisë dhe Mbrojtjes.

Prof. Dr. Nicola PEDDE, drejtor i Qëndrës së Studimeve Strategjike në Romë Itali zhvilloi leksione me studentët e Kursit të Lartë të Sigurisë dhe Mbrojtjes. 
 
Drejtori i Qëndrës së Studimeve Strategjike të Mbrojtjes në Romë Itali, Profesor Nicola Pedde në datat 26, 27 dhe 28 shtator 2016 mbajti leksione me studentët e Kursit të Lartë të Sigurisë dhe Mbrojtjes, KLSM – 2016 në Akademinë e Forcave të Armatosura. 
Profesor Nicola Pedde trajtoi me studentët e KLSM-2016 temat: Marëdhëniet e pabarabarta të zhvillimeve dhe efektet e globalizmit; koncepti i sigurisë njerëzore dhe operacionet e paqes; Interesat Kombëtare dhe dinamikat e Fuqisë Kombëtare.  
Kolonel Çlirim Toci, shef i Departamentit të Strategjisë dhe Mbrojtjes në Akademi i dha Profesor Nicola Peede Certifikatën e Nderit për pjesëmarje në KLSM-2016. 
Profesor Nicola Pedde u prit gjithashtu edhe nga Komandanti/Rektori i Akademisë së Forcave të Armatosura Kolonel Ruzhdi Kuçi. 
 

Komandanti i KDS-së, Gjeneral Brigade Dedë Prenga, pret përfaqësuesit e FSK në stërvitjen “Joint Effort-16”

Komandanti i Komandës së Doktrinës dhe Stërvitjes, Gjeneral Brigade Dedë Prenga, priti në zyrën e tij përfaqësuesit e Forcës së Sigurisë së Kosovës, Nënkolonel Bekim Zejnullahu, Major Beton Retkoceri, Major Ibrahim Reviçi, të cilët morën pjesë në stërvitjen “Joint Effort-16”.

Gjatë takimit, Gjeneral Prenga shprehu vlerësimin e tij për kontributin e FSK-së në këtë stërvitje. “Pjesëmarrja juaj në stërvitjen “Joint Effort-16”, - theksoi Gjenerali, e cila është më e madhja e zhvilluar nga Forcat e Armatosura të Republikës së Shqipërisë në vitet e fundit, me pjesëmarrje të gjashtë vendeve si: Shqipëria, SHBA, Mbretëria e Bashkuar, Italia, Kosova dhe Mali i Zi, i shërben jo vetëm shkëmbimit të përvojave midis dy vendeve, por përfaqëson edhe një faktor stabiliteti në rajon dhe më gjerë.

Gjenerali shprehu falënderimet edhe në emër të Shefit të Shtabit të Përgjithshëm të FA-ve, Gjeneralmajor Jeronim Bazo, për pjesëmarrjen dhe përfaqësimin e FSK në Ditën e Vizitorëve të Shquar, e cila u zhvillua në rajonin e Bizës, më 26 shtator 2016.Nënkolonel Bekim Zejnullahu, krahas falënderimeve për pritjen dhe mbështetjen gjatë zhvillimit të stërvitjes “Joint Effort-16”, theksoi se kjo stërvitje na forcon profesionalisht dhe nxit implementimin e përvojave të tilla në stërvitjet që do të organizohen dhe zhvillohen nga FSK.

Takimi u mbyll me shkëmbimin e simboleve të institucioneve dhe me një foto të përbashkët.

 

 

Hapet Kursi i 8-të i Lartë i Sigurisë dhe Mbrojtjes në Akademinë e Forcave të Armatosura.

Më datën 13.09.2016 në Akademinë e Forcave të Armatosura u hap Kursi i VIII i Lartë i Sigurisë dhe Mbrotjes për vitin 2016.Me rastin e fillimit të Kursit kursantët i përshëndeti Komandanti/Rektori i AFA Kolonel Ruzhdi Kuçi, i cili në fjalën e tij vuri në dukje punën e bërë për hapjen e KLSM-2016 duke pasur parasysh edhe ekpertizën me kurset e mëparshme. Kolonel Kuçi falënderoi kursantët e huaj për pjesëmarjen e tyre në këtë kurs. Gjithashtu  shprehu gatishmërinë për të mirëpritur kontributin e tyre për të ndarë mendimet dhe ekspertizën në fushën e Sigurisë dhe të Mbrojtjes.

 KLSM-2016 është Kursi i VIII që hapet në Akademi. Kursi i I i Sigurisë dhe Mbrojtjes ka startuar në vitin 2007, duke u rihapur përsëri në vitet 2008, 2010, 2012, 2013, 2014 dhe 2015.Kursi i Lartë i Sigurisë dhe Mbrojtjes (KLSM) është Kursi më i lartë në piramidën e arsimit ushtarak në Forcat e Armatosura të Republikës së Shqipërisë (FARSH). Kursi zhvillohet në gjuhën angleze me pjesëmarrjen e ushtarakëve të gradës kolonel nga FA, vendet e rajonit dhe më gjerë, si dhe pjesëmarrës nga institucionet e sigurisë dhe mbrojtjes të RSH. KLSM ka një kohëzgjatje prej tre muajsh. Qëllimi i kursit nuk është vetëm dhënie e njohurive në fushën e sigurisë dhe mbrojtjes por mundësimi i një mjedisi akademik i cili do të shpjegojë dhe prezantojë sfidat me të cilat ndeshen vendet e rajonit dhe më gjërë.Në Kursin e Lartë të Sigurisë dhe Mbrojtjes që sapo startoi marrin pjesë  ushtarakë të lartë nga Forcat e Armatosura të Italisë, Rumanisë, Greqisë, Gjeorgjisë, Maqedonisë, Shqipërisë, Forcës së Sigurisë së Kosovës, si dhe përfaqësues nga institucione të sigurisë në vend. Kursi i VIII i Lartë i Sigurisë dhe Mbrojtjes do të përfundojë më 9 dhjetor 2016.

 

 

 

 

15 Vjet Komanda e Doktrinës Dhe Stërvitjes

Komanda e Doktrinës dhe Stërvitjes  feston sot 15 Vjetorin e Krijimit të saj. Kjo ditë eshtë kremtuar sot nëpërmjet një ceremonie në ambjentet e auditoriumit në Ministrinë e Mbrojtjes ku ishin të pranishëm, Ministri i Mbrojtjes zonja Mimi Kodheli, Zëvendës Mnistri i Mbrojtjes zoti Petro Koçi, Shefi i Shtabit të Përgjithshëm i Forcave të Armatosura Gjeneralmajor Jeronim Bazo, Rektori i Universitetit të Tiranës Prof.Dr. Mynyr Koni, Komandanti i Komandës së Doktrinës dhe Stërvitjes Gjeneral Brigade Dedë Prenga, Komandanti Komandës së Doktrinës dhe Stërvitjes së Republikës së Kosovës Gjeneral Brigade Enver Cikaqi, Komandantë  të Forcave të Armatosura të RSH si dhe atashe  ushtarakë të akredituar në vendin tonë.

Në fjalën e Tij komandanti KDS-së Gjeneral brigade Dedë Prenga theksoi arritjet Komadës së Doktrinës dhe Stërvitjes këto 15 vjet, të cilat sipas Gjeneral Prengës nuk janë shumë për një institucion, por oficërët, nënoficerët dhe civilët, që janë trajnuar në auditorët, poligonet dhe terrenet e KDS, janë të shumtë. Përpjekjet e herepashershme të KDS, që nëpërmjet reformave të thella, përpunimit dhe përshtataje së programeve, ndryshimi dhe përmisimit i metodave të mësimdhënies si dhe puna kërkimore shkencore, ka qënë puna e përditëshme e kësaj komande.

Sukseset e KDS-së në fushën e edukimit dhe trajnimit, nuk mund të merren të shkëputura pa mbështetjen e Ministres së Mbrojtjes, Shefit  të Shtabit të Përgjitshëm të FA-së, si dhe bashkëpunimit të frytshëm me komandant kryesore e ato mbështetës, nga partnerët tanë, e doemos, Ministrisë së Arsimit dhe Sporteve, nga Universitetet publike e jo publike, ku në veccanti Universitetin e Tiranës.

Më tej në vazhdim të ceremonisë fjalën e mori Ministrja e Mbrojtjes zonja Mimi Kodheli ku mbi të tjera theksoi; ““Dua të vë theksin në dy mundësi të arta që FA kanë për t’i ofruar ekspertizë shqiptare të gjitha vendeve aleate e atyre partnere. Së pari, Kursi i Lartë i Sigurisë dhe Mbrojtjes. Ky kurs vazhdon të jetë vetëm “I Listuar nga NATO”.

Së dyti, Qendra e Ekselencës për të adresuar Fenomenin e Luftëtarëve të Huaj Terroristë. I kemi kaluar etapat e nevojshme në dimensionin politik në NATO-s. Kemi mbështetjen e shumë vendeve aleate dhe kemi nisur negociatat për ta akredituar si qendër ekselence të NATO-s.

Ceremonia përfundoi me një dokumetar të Shkurtër për KDS-në si dhe me prezantimin e një ekspozite me foto në retrospektivë.

Komandanti i KDS-së Gjeneral Brigade Dedë Prenga priti Atasheun e ri Ushtarak të Republikës Federale të Gjermanisë

Komandanti i KDS Gjeneral Brigade Dedë Prenga zhvilloi në zyrën e tij një takim prezantues me Atasheun e ri të Republikës Federale të Gjermanisë Nënkolonel Hans-Peter Wamsler, i cili u prezantua nga Atasheu në largim Nënkolonel Guido Altendorf.

Në këtë takim Gjeneral Prenga i dha mirëseradhjen dhe urimin për detyrën e atasheut e ri të Republikës Federale të Gjermanisë dhe falenderoi Nënkolonel Altendorf për mbështetjen dhe kontributin e dhënë  për Komandën e Doktrinës dhe Stërvitjes.

Gjatë takimit u diskutua për  mbështejen e vazhdueshme të gjermanisë si dhe vijim  e bashkëpunimit  në shkëmbimin e eksperiences kryesisht ne fushën e arsimimit ushtarak.

Në përfundim të takimit u krye një foto e përbashkët.