Zhvillohet Ceremonia e Diplomimit të Oficerëve të Rinj që përfunduan studimet në Gardën Kombëtare të New Jersey, SHBA

12 Shtator 2014. Në mjediset e Muzeut të FA, është zhvilluar paraditen e sotme Ceremonia e Diplomimit të Oficerëve të Rinj që kanë përfunduar studimet në shkollën e kandidatit per oficerë në Gardën Kombëtare të New Jersey, SHBA.


Në këtë ceremoni morën pjesë Zv/MM zoti Dritan Hila, Ambasadori i SHBA në vendin tonë, Shkëlqesia e Tij, zoti Aleksandër Arvizu, SHSHPFA Gjeneralmajor Jeronim Bazo, Komandanti i Gardës Kombëtare të New Jersey, Gjeneralbrigade Michael Cunnif, Zv/komandanti i KDS Kolonel Rruzhdi Kuçi, komandantët e komandave e forcave kryesore të FA, atashetë ushtarakë të akredituar në vendin tonë, përfaqësues të MM e SHPFA, si dhe familjarët e kontigjentit të oficerëve të rinj “Black Eagle 001”.
Fjalën e hapjes në këtë ceremoni e mbajti Zv/komandanti i KDS, Kolonel Rruzhdi Kuçi. Në fjalën e tij ndër të tjerash ai theksoi:” Në emër të Komandës së Doktrinës dhe Stërvitjes si dhe të oficerëve të rinj shpreh mirënjohje dhe falenderim per vlerësimin që i bëhet këtij eventi të rëndësishëm. Prania juaj në ceremoni është mbështetje dhe inkurajim për këta oficerë të rinj të sapo diplomuar. Pritshmëritë që ne kishim ndaj “Black Eagle 001” ishin të larta, ndaj diplomimi i tyre sot tregon se ato kanë shfaqur karakter, duke treguar vlerat me të mira të ushtarakut shqiptar. Përfundimi me sukses i programit të përgatitjes si oficerë është fillimi i një dimensioni të ri në bahkëpumimit dypalësh në fushën e arsimimit ushtarak, dukeshënuar kështu arritjen e një standarti të ri në përgatitjen e oficerëve të rinj. Përvetësimi i tërë programit mësimor e stërvitor në AFA dhe në shkollën e kandidatit per oficerë në Gardën Kombëtare të New Jersey-it shënon vetëm fillimin e një rrugëtimi të gjatë në shërbim të FA dhe vendit”. Në përfundim të fjalës së tij, Kolonel Kuçi shprehu falenderime për Shkollën e Kandidatëve për oficerë të New Jersey-it, stafin pedagogjik në AFA, MM e SHSHPFA për mbështetjen e vecantë në këtë proçes trajnimi e shkollimi.
Në ceremoni përshëndeti dhe Komandanti i Gardës Kombëtare të New Jersey-i Gjeneralbrigade Michael Cunnif. Në fjalën e tij, gjeneral Cunnif, vlerësoi me tone positive klasën “Black Eagle 001”. Ndër të tjerash ai u shpreh se ;’’ Që nga nga momenti që 24 burra dhe gratë filluan trajnimin ishte mjaft e dukshme që kjo klasë ishte ndryshe nga klasat e tjera që Garda Kombëtare e New Jersey-it ka përgatitur dhe kjo jo pse ishte klasa e parë që hyri në histori me të huaj që u trajnua nga Garda Kombëtare e New Jersey-it, por ishte klasa me rezultate me te mira e trajnuar nga akademia jone. 8 pjesëmarrëse ishin femra, thuhet se shpesh gratë nuk kanë shërbyer në role drejtuese në FA. Pjesëmarrja e tyre do të ndihmojë në fuqizimin e ushtrisë shqiptare dhe përgatitjen e drejtuesve femra në të ardhmen. Gjeneral Cunnif theksoi se drejtuesit e Gardës së New Jersey-it promovuan rëndësinë e programit të partneritetit midis të dy shteteve dhe arritjeve të jashtëzakonshme të klasës ‘Black Eagle 001”. Përfundimi me sukses i pjesëmarrësve ishte edhe një hap më tej i programit të partneritetit midis të dy vendeve dhe lidhjeve që Shqipëria dhe New Jersey kanë”.
Në emër të oficerëve të rinj të “Black Eagle 001”,përshëndeti nëntoger Hekuran Budani. Në përshëndetjen e tij ai u ndal në procesin e trajnimit në Shqipëri duke evidentuar se ky proçes rezultoi te ishte teper i suksesshm dhe frytdhënës duke sherbyer si një tranzicion i butë drejt trajnimit në Gardën e New Jersey. Kjo, falë dedikimit dhe përkushtimit të një grupi instruktorësh, përbërë nga oficerë dhe nënoficerë shqiptarë. “Adaptimi me nje mentalitet tjeter edukimi dhe trajnimi – vijoi Nëntoger Budani, - ishte ndër pjesët më të vështira të këtij programi. Mos bërja e kompromiseve por arritja e standarteve, duke u trajnuar në të njëjtat kushte me kolegët amerikanë ndikuan më së miri, për të formësuar tek ne nje lidership me vlera, karakter dhe kompetence, në kushtet e stresit dhe dinamizmit”. Më përfundim të përshëndetjes së tij, ai shprehu një sërë falënderimesh për , MM, SHP, KDS, zyrën e ODC, Gardes se New Jersey, që inicuan këtë projekt të edukimit të lidershipit të ri të FA si dhe për mbështetjen efikase dhe te pakursyer në realizimin me sukses të tij.
Ambasadori i SHBA në Tiranë, Alexandër Arvizu duke marrë fjalën tha se, veprimi i parë publik i Ministres Kodheli sapo u emërua në detyrën e Ministres së Mbrojtjes ishte nënshkrimi i letrave të ofertës dhe pranimit për trajnimin e shqiptarëve në shërbimin ushtarak në Shkollën e Kandidatëve për Oficerë në New Jersey dhe në Fort Benning, Georgia. Një vit pas nënshkrimit të marrëveshjes ne kemi të diplomuar prej kësaj shkolle në New Jersey këta oficerë, si dhe dy nënoficerë që aktualisht janë duke përfunduar programet e trajnimit në shkollën federale të kandidatëve për oficerë në Fort Benning. Të gjithë këta oficerë duhet të jenë shembuj të përpjekjeve modernizuese dhe të suksesshme të Shqipërisë. Ata do të shërbejnë si provë që Ministria e Mbrojtjes dhe FA janë thellësisht të përkushtuar jo vetëm në drejtim të përmirësimit të aftësive të gjuhës angleze, por edhe në sigurimin e një trajnimi me orientim amerikan dhe perëndimor
Ndërsa, Zëvendësministri i Mbrojtjes, z. Dritan Hila, duke iu drejtuar oficerëve të sapodiplomuar theksoi: “Disa muaj më parë, kur ju u larguat për studime në programin pilot të Gardës Kombëtare të New Jersey, ministrja e Mbrojtjes Kodheli, ju ka thënë dy gjëra të rëndësishme: E para, ju dha besimin se do të keni të gjithë mbështetjen e saj si ministre e Mbrojtjes dhe të Shtabit të Përgjithshëm dhe, për këtë po ju siguroj edhe njëherë, që kjo mbështetje do të jetë e vazhdueshme nga ana jonë. Së dyti, ju dha një këshillë që pritshmëria jonë ndaj jush është vërtetë e lartë, ndaj bëni gjithçka që duhet, që ne të gjithë të ndihemi krenar me ju.
Në përfundim të kësaj ceremonie nëntogere Anita Gruda i dorëzoi Zv/mm, zotit Dritan Hila flamurin e grupit “Black Eagle 001”.
Ceremonia u mbyll me realizimin e një fotoje të përbashkët.

Po ditën e sotme, në vazhdën e aktiviteteve, Zv/komandanti i KDS, Kolonel Rruzhdi Kuçi, priti në një takim kortezie Komandantin e Gardës Kombëtare të New Jersey, Gjeneralbrigade Michael Cunnif. Në këtë takim u diskutua në lidhje me sistemin e ri arsimor ushtarak në Shqipëri, si dhe ecurinë e mëtejshme të bashkëpunimit midis Gardës së New Jersey dhe FARSH në drejtim të edukuimit e trajnimit të oficerëve të rinj.
Komandanti i Gardës Kombëtare të New Jersey, Gjeneralbrigade Michael Cunnif, bëri një vizitë në QS, ku u njoh me misionin, detyrat dhe funksionimin e kësaj qëndre.

View the embedded image gallery online at:
http://www.tradoc.mil.al/index.php/en/#sigFreeIded0316c5c7

 

Zv/kom. i KDS Kol. Rruzhdi Kuçi, takim me pjesëmarrësit e Kursit të Lartë të Sigurisë dhe Mbrojtjes 2014

09 Shtator 2014. Pjesëmarrësit e Kursit të Lartë të Sigurisë dhe Mbrojtjes 6, zhvilluan mesditën e sotme në mjediset e Komandës së Doktrinës e Stërvitjes, një takim me Zv/komandantin e KDS, Kolonel Rruzhdi Kuçi. Në takimin e organizuar nën një frymë tepër miqësore e vllazërore, Kolonel Kuçi, shoqërohej nga Komandanti/Rektori i AFA, Prof.Asoc.Dr./ kolonel Agim Sula, Shefi i Shtabit të KDS, Kolonel Riza Zaja si dhe Stafi Drejtues i KLSM 6.

Gjatë takimit, Zv/komandanti i KDS Kolonel Rruzhdi Kuçi, pasi dha një panoramë të përgjithshme në lidhje me KLSM si dhe traditën e pjesëmarrjes rajonale në të, ndër të tjerash shprehu mirënjohje për pjesëmarrjen në kurs, ashtu sikundër një falenderim e mirënjohje të vecantë dhe për vendet rajonale respektive, për bashkëpunimin pozitiv e të sukseshëm, në krijimin e mundësive për ndjekjen nga ana e kandidatëve të kursit më të lartë të sigurisë e mbrojtjes në nivel rajonal. Gjithashtu, Kolonel Kuçi u shpreh se: " Kursi i Lartë i Sigurisë dhe Mbrojtjes ka vlera të vecantë jo vetëm për nga larmia e programacionit që trajton po nga adresimi ndaj cështjeve të sigurisë rajonale, ku gjithsecili ka cfarë të japë e të marrë". Më tej, ai evidentoi faktin që ndjekja e këtij kursi për të gjithë pjesëmarrësit do të jetë jo vetëm një shkëmbim idesh, mendimesh, eksperiencash në fushën e sigurisë e mbrojtjes, por edhe një shkëmbim kulturash e traditash rajonale.
Takimi vijoi në formën e një bashkëbisedimi miqësor e të ngrohtë, duke dhënë njëkohësisht edhe përshtypjet e para nga pjesëmarrësit e kursit, në drejtim të organizimit, infrastrukturës mësimore akademike të ofruar si dhe pritshmëritë pozitive përkatëse.

View the embedded image gallery online at:
http://www.tradoc.mil.al/index.php/en/#sigFreeId25bed35fb2

Zv/kom. i KDS, Kolonel Ruzhdi Kuçi, pret atasheun italian, Gjeneralbrigade Vitto Dell’Edera.

25 Gusht 2014. Mesditën e sotme, Zv/komandanti i KDS, Kolonel Rruzhdi Kuçi, priti në një takim kortezie atasheun ushtarak Italian të akredituar në vendin tonë, Gjeneralbrigade Dell’Edera.Takimi u zhvillua me rastin e përfundimit të mandatit të tij të shërbimit në vendin tonë.

Takimi u zhvillua në një frymë tepër miqësore. Kolonel Kuçi vlerësoi kontributin e dhënë nga Gjeneralbrigade Dell’Edera në forcimin e bashkëpunimit dypalësh në fushën e arsimimit dhe trajnimit ushtarak, si dhe mbështetjen e FA të Italisë ndaj FA shqiptare në këtë drejtim.

Më konkretisht, Kolonel Kuçi u ndal në fushat e këtij bashkëpunimi, duke theksuar rëndësinë që ka patur ky b/punim kryesisht në drejtim të shkëmbimit dhe marrjes së eksperiencës, në fushën e edukimit e trajnimit ushtarak, në fushën e logjistikës, mbështetjen infrastrukturore, etj.

Nga ana e tij,Gjeneralbrigade Dell’Edera, adresoi një falenderim të veçantë për frymën e mirëkuptimit dhe bashkëpunimit që gjeti në Komandën e Doktrinës dhe Stërvitjes, gjatë periudhës së shërbimit të tij në vendin tonë, duke vlerësuar njëkohësisht edhe përparimet e mëdha që janë bërë në vendin tonë përgjat periudhës së kryerjes së misisonit të tij.

Në fund të takimit, bashkëbiseduesit shprehën edhe njëherë bindjen se, marrëdhëniet e b/punimi dypalësh në fushën e arsimimit dhe trajnimit ushtarak, do të vazhdojnë të thellohen më tej.

Zv/komandanti i KDS Kolonel Rruzhdi Kuçi, i uroiGjeneralbrigade Vitoo Dell’Ederës suksese në detyrën e re që do marri si dhe i uroi mirëseardhjen dhe suksese atasheut të ri, Kolonel Emanuele Arresut  që do t’a zëvendësojë.

Qëndra e Studimeve për Paqen dhe Zgjidhjen e Konflikteve në Austri, vizitë njohëse në KDS

19 Gusht 2014. Në kuadër të udhëtimit të 5-të studiues në Ballkan, Grupi Udhëtues I OKB (Liga e Kolegëve ushtarakë të Austrisë së Sipërme si dhe i Qëndrës së Studimeve për Paqen dhe Zgjidhjen e Konflikteve në Austri), në kuadër të vizitës në Shqipëri, zhvilloi dhe një vizitë njohëse një ditore në Komandën e Doktrinës dhe Stërvitjes.

Qëllimi i vizitës ishte njohja me kontributin e FARSH për Sigurinë Ndërkombëtare, si dhe performanca e ushtarakëve të vendit tonë.

Drejtori i Akademisë së Paqes, zoti Rozenitis, i cili kryesonte grupin prej rreth 25 vetësh, nw cilwsinw dhe tw presidentit tw kwsaj lige, u prit në një takim kortezie nga Shefi i Shtabit i KDS Kolonel Riza Zaja. Në takimin e zhvilluar me këtë rast mori pjesë dhe Komandanti/Rektori i AFA Prof.As. Dr. Kolonel Agim Sula. Kolonel Zaja, pasi falënderoi për vizitën në Komandën e Doktrinës së Stërvitjes, e njohu zotin Rozenitis në vija të përgjithshme me performancën e KDS,si institucioni kryesor e përgjegjës për fushën e arsimimit ushtarak, për të gjithë personelin oficer, n/oficer e ushtar profesionist të FARSH.

 Më pas, takimi vijoi në sallën e mbledhjeve të KDS, ku përfaqësuesit e Qëndrës së Studimeve për Paqen austriake, u njohën me një prezantim gjithpërfshirës në lidhje me Kontributin e Shqipërisë dhe FARSH në misionet ndërkombëtare për ruajtjen e paqes e sigurisë globale, i mbajtur nga N/kolonel Flamur Melani, oficer shtabi i J3/7 në SHP; një prezantim mbi misionin dhe detyrat që kryen KDS si dhe funksionimi i sistemit arsimor ushtarak, mbajtur nga N/kolonele Alda Sula, Shefe e G-9 në KDS; si dhe një prezantim mbi KLSM( Kursi i Lartë i Sigurisë e Mbrojtjes), si kursi më i lartë institucional në fushën e edukimit ushtarak, mbajtur nga N/kolonel Ardian Lulaj, shef i Grupit të Studimeve Strategjike në AFA.

Prezantimet ngjallën mjaft interes për pjesëmarrësit, duke ui bërë më të larmishme me pyetjet dhe interesimin e tyre në fusha e cështje të ndryshme të dala nga prezantimet.

Profesor doktor në filozofi, zoti Guther Rozenitis, drejtori dhe presidenti i ligës së ushtarakëve të Austrisë së Sipërme, u shpreh mjaft i impresionuar, duke shtuar se kontributi i FARSH për sigurinë ndërkombëtare është i jashtzakonshëm dhe mund të klasifikohet si shëmbull edhe për Austrinë.

Vizita njëditore e Grupit Udhëtues austriak i Ligës së Ushtarakëve të Austrisë së Sipërme, u mbyll me një vizitë kulturore në Muzeun e FA si dhe me realizimin e një fotoje të përbashkët.

View the embedded image gallery online at:
http://www.tradoc.mil.al/index.php/en/#sigFreeIdc19ac8f06c

Shkolla e Trupës në Bunavi, inspektohet nga Ministrja e Mbrojtjes zonja Mimi Kodheli dhe SHSHPFA Gjeneralmajor Jeronim Bazo

00 710 473 9014 Gusht 2014. Shkolla e Trupës e KDS në Bunavi, u inspektua ditën e sotme nga  Ministrja e Mbrojtjes, znj. Mimi Kodheli dhe Shefi i Shtabit të Përgjithshëm i FA, Gjeneralmajor Jeronim Bazo.

Drejtuesit më të lartë të Dikasterit të Mbrojtjes dhe Shtabit të Përgjithshëm, u  pritën  nga Shefi i Shtabit i Komandës së Doktrinës dhe Stërvitjes, Kolonel Riza Zaja.

Pas paraqitjes së forcës dhe pritjes me truproje nderi, MM zonja Mimi Kodheli dhe SHSHPFA, Gjeneralmajor Jeronim Bazo, nëpërmjet një brifingu të mbajtur nga Shefi i Shtabit i SHT, Nënkolonel Vilson Bufazi  u informuan rreth misionit të SHT, punën e bërë nga I gjithë efektivi i shkollës për realizimin e detyrave dhe objektivave të shtruara.

Ministrja Kodheli dhe Gjeneralmajor Bazo, më pas u njohën nga afër me ambjentet e jetesës dhe infrastrukturën e kësaj njësie. Gjatë këtij inspektimi, zonja Kodheli shtroi detyra për rishikimin dhe përmirësimin e mëtejshëm të infrastrukturës, si dhe për mundësinë e një ndërhyrjeje për përmirësimin e segmentit rrugor që lidh rrugën nacionale të Vlorës me Shkollën e Trupës, Bunavi.  

Ministrja Kodheli dhe Gjeneral Bazo, u takua dhe me personelin ushtarak e civil që shërben në Shkollën e Trupës të Komandës së Doktrinës dhe Stërvitjes. 

View the embedded image gallery online at:
http://www.tradoc.mil.al/index.php/en/#sigFreeId6fa6a499cf