Komandanti i KDS-së priti Atasheun Ushtarak të Republikës së Austrisë.

17.05.2016: Komandanti Komandës së Doktrinës dhe Stërvitjes Gjeneralbrigade Dedë Prenga, priti në zyrën e Tij Atasheun Ushtarak të Republikës së Austrisë në Shqipëri Gjeneral Brigade Roman Ficher.

Ky takim ishte në kuadër të bashkëpunimit ushtarak, njohja me organizimin dhe detyrat e strukturave të Komandës së Doktrinës dhe Stërvitjes si dhe bashkëpunimi për trajnime të mundëshme në fushën e arsimimit.

Gjeneral Prenga, pasi i uroi mirëseardhjen Gjeneral Brigade Roman Ficher e falenderoi atë për bashkëpunimin dypalësh, në kontributin që Austria ka dhënë në fushën e arsimimit dhe trajnimit të ushtarakëve të Forcave të Armatosura të RSh, si dhe u theksua rritja e mëtejshme e këtij bashkëpunimi.

Nga ana e tij,  Gjeneral Ficher shprehu gatishmërinë e Republikës së Austrisë për të dhënë kontributin e saj për trajnimin dhe arsimimin e personelit Oficer dhe N/oficer të FARSH  në akademitë ushtarake austriake  dhe shkëmbime ekperiencave nëpërmjet akademive ushtarake të dy vendeve.

Në përfundim të takimit Gjeneral Brigade Dedë Prenga i dhuroi Atasheut së Republikës së Austrisë Stemën e Komandës së Doktrinës së Stërvitjes. Takimi u mbyll me një foto të përbashkët. 

Shefi i Shtabit të Përgjithshëm të FA Gjeneralmajor Jeronim Bazo merr pjesë në ceremoninë e organizuar me rastin e 58 vjetorit të krijimit të Akademisë.

Më datën 10.05.2016 në ambjentet e Komandës së Doktrinës dhe të Stërvitjes u zhvillua ceremonia e 58 vjetorit të krijimit të Akademisë. Ishin të pranishëm në ceremoni Shefi i Shtabit të Forcave të Armatosura Gjeneralmajor Jeronim Bazo, Shefi i Shtabit të KDS Kolonel Selim Troci, Komandanti i AFA Kolonel Rushdi Kuçi, shefi i Qëndrës së Doktrinave dhe Manualeve Kolonel Fadil Grosha, shefi i Degës së Arsimimit dhe Stërvitjes në KDS Kolonel Edmond Braneshi, shefat e departameteve të FSM, pedagogë, kursantë si dhe stafi mbështetës i AFA.

Komandanti/Rektori  i AFA Kolonel Ruzhdi Kuçi në fjalën e rastit vuri në dukje se  “...Akademia nisi rrugën e saj historike për të realizuar misionin e arsimimit dhe kualifikimit në fushën e mbrojtjes dhe të sigurisë, për gjithë lidershipin ushtarak e civil në  FA  dhe jashtë saj vetëm një vit pas krijimit të Universitetit Shtetëror të Tiranës. Sot AFA paraqitet jo vetëm si një nga institucionet më të hershme të arsimimit të lartë në vendin tonë, por edhe tashmë si një institucion simbol me një mision të vecantë, në mesazhin që ajo përcjell.  Kjo periudhë mund të konsiderohet  me të vërtetë periudhë e nderuar për vlerat që ka transmetuar dhe për angazhimet që mbart. Në këtë rast përshendes të gjithë gjeneratat që kanë punuar dhe punojnë në këtë institucion. Në auditoret e Akademisë kalon brenda një viti akademik gati 1/10 e pjesëmarrësve të FA, në formatet e Kursit të Lartë të Sigurisë e Mbrojtjes, Kursit të Lartë të Oficerit, Kursit të Komandës të Shtabit të Përgjithshëm, Kursit Themelor të Oficerit të Shtabit, kurset në gjuhët angleze, frënge, gjermane, italiane, turke e greke, kurse për kontigjentet e trupave tona që nisen për misione në kuadër të Aleancës. Ndjehemi, gjithashtu mjaft krenarë,  që gjeografia e përfaqësimit në institucionin tonë shtrihet gati të gjitha fushat e angazhimit politik publik e institucional  brenda vendit, duke ja besuar sigurinë dhe mbrojtjen një institucioni unik me një histori më shumë se 58 vjeçare. Sot gjeografia e akademistëve tanë tenton të rrok përfaqësues nga të gjitha trojet shqiptare.  Një përshëndetje të veçantë ju përcjellim vëllezërve nga Kosova që kanë qënë e janë pjesë e auditoreve tona.  Programet  që zhvillohet në AFA janë  në standarde dhe në harmoni të plotë me Ligjin e Arsimit të Lartë, për rrjedhim  edhe  ekuivalente me programet  që zhvillohen për këtë nivel,  në institucionet e tjera pas-universitare të vendit tonë. Ato janë njëkohësisht edhe të krahasueshme me institucionet respektive të vendeve të NATO-s. Që në vitin 1998  Akademia është  anëtare me të drejta të plota në Konsorciumin e Akademive të vendeve anëtare të NATO-s dhe PfP, dhe po bën një punë të lavdërueshme për akreditimin e programeve.

Kolonel Kuçi në fjalën e tij vuri në dukje se..gjatë historisë së saj 58 vjeçare, Akademia e ka ndryshuar disa herë emërtimin si: “Shkolla e Lartë Ushtarake”, ”Akademia  Ushtarake”, “Akademia Ushtarake Mehmet Shehu”, “Akademia e Shtabit të Përgjithshëm”,  Akademia e Mbrojtjes, Akademia e Mbrojtjes “Spiro Moisiu”, Akademia e Forcave të Armatosura, por pavarësisht ndryshimeve të emërtimeve që ka pasur në vite, Akademia asnjëherë nuk ka ndryshuar misionin e saj në funksion të arsimimit dhe kualifikimit të brezave të tërë ushtarakësh për ti shërbyer në çdo kohë dhe situatë atdheut, në përshtatje me sfidat që shtron koha duke pergatitur ushtarakë, profesionalisht të aftë, në nivelet e  akademive homologe perëndimore, duke u shndëruar në një qendër studimore shkencore të përpunimit dhe të mendimit ushtarak bashkëkohor e doktrinor.

Akademia e Forcave të Armatosura, ka kontakte dhe marrëveshje bashkëpunimi me institucione të Arsimit të Lartë publike dhe jo-publike, brenda vendit me të cilat bashkëpunon në fusha të ndryshme të kërkimit, kualifikimit, e studimit. Njëkohësisht Akademia ka zgjeruar kontaktet me institucione homologe perëndimore. Sot në auditoret tona janë  pjesë e lektimeve krahas profesorëve tanë edhe profesorë, mjaft të njohur, nga  Qendra Marshall,  nga SHBA, UK, Gjermania, Franca, Turqia, Italia, Kroacia, Holanda, Greqia  etj. 

Gjithashtu Komandanti/Rektori i AFA bëri një homazh për gjithë atë punën që është bërë ndër vite, për gjithë ish – komandantët, ish – pedagogët që nuk jetojnë më, si dhe shprehu respekt e mirënjohje për gjithë ish-komandantët e pedagogët që janë në lirim apo pension, të cilët janë pjesë e veprimtarisë 58-vjeçare të kësaj Akademie, ku ata kanë dhënë kontributin e tyre të padiskutueshëm, për emrin e madh që ka Akademia, si institucioni më i lartë i arsimimit ushtarak shqiptar.

 Më tej Komandanti/Rektori i AFA u ndal në objektin e punës së AFA-së për të ardhmen – “...rritja së cilësisë së të gjitha treguesve dhe standardeve që kanë të bëjnë me kurikulat e programeve arsimore për ti shërbyer Forcave të Armatosura dhe institucioneve të tjera të sigurisë në vend në përgatitjen e ushtarakëve që do të përballojnë standardet e integrimit të plotë në NATO e BE.Me stafin aktual që ka sot AFA-ja, ne jemi të bindur që Akademia e Forcave të Armatosura do të vazhdojë me sukses misionin e saj, si institucioni ku përgatitet e elita e Forcave tona të Armatosura”.

Shefi i Shtabit i Përgjithshëm i FA Gjeneralmajor Jeronim Bazo në fjalën përshëndetëse theksoi se “...Akademia është krenaria e Arsimimit Ushtarak Shqiptar dhe njëkohësisht krenaria e Forcave tona të Armatosura. Akademia gjatë historisë së saj ka ndryshuar disa herë emërtimin por misionin e saj asnjëherë nuk e ka ndryshuar, një mision që e ka kryer me nder. Gjatë viteve ka ndryshuar trupa pedagogjike, pamja e ndërtesës, por asnjëherë nuk ka ndryshuar fokusi i saj, përgatitja e liderëve të së ardhmes që kanë ditur ti përshtaten kohës dhe situatave. Sot Akademia ka një historik  që do ta kishin zili  edhe institucione të tjera arsimore. Gjeografia e ardhjes së studentëve ka ndryshuar në mënyrë drastike. Akademia ka ndikuar gjithashtu në arsimimin e trajnimin e lidershipit të Forcës së Sigurisë së Kosovës”.

Shefi i Shtabit të Përgjithshëm të FA uroj pjesëmarrësit për ditën e krijimit të Akademisë, gjithashtu falënderoi ish komandantët, pedagogët, punonjësit më të vjetër të Akademisë si dhe stafin pedagogjik e mbështëtës për kontributin e dhënë në vite në trajnimin dhe edukimin e brezave të ushtarakëve.  

Kremtohet 20 vjetori i krijimit të Qendrës së Gjuhëve të Huaja në Forcat e Armatosura

Në auditoriumin e Garnizonit “Skënderbej”, u zhvillua sot paradite një ceremoni e veçantë me rastin e 20 vjetorit të krijimit të Qendrës së Gjuhëve të Huaja. Në ceremoninë e organizuar me këtë rast ishin të pranishëm Shefi i Shtabit të Përgjithshëm të FARSH, gjeneralmajor Jeronim Bazo, Zv.ministri i Mbrojtjes z. Petro Koci, Komandantë forcash, drejtorë drejtorish në Ministrinë e Mbrojtjes dhe Shtabin e Përgjithshëm, ish-gjeneralë, pedagogë, etj.

Zëvendësministri i Mbrojtjes, Z. Petro Koci në përshëndetjen e vecantë drejtuar gjithë të pranishmëve, ndër të tjera u shpreh se:“ Në këtë 20 vjetor Qendra e Gjuhëve të Huaja, stafi i saj ka të drejtën legjitime të ndihet krenar për arritjet dhe për shërbimin që ka bërë për Forcat e Armatosura Shqiptare. 20 vjet aktivitet janë një arsye e madhe për të qenë krenar për punën dhe përkushtimin tuaj ndër vite. Ministria e Mbrojtjes dhe Shtabi I Përgjithshëm ka vlerësuar dhe vlerëson maksimalisht rolin që luan Qendra e Gjuhëve të Huaja, pasi roli I saj konsiderohet një mision i domosdoshëm”.

Në emër të stafit të Qendrës së Gjuhëve të Huaja përshëndeti Drejtori i kësaj qendre z. Jaup Zenuni, i cili pasi falenderoi të pranishmit për marrjen pjesë në këtë ceremoni, theksoi se në 20 vjet në jetën e një institucioni nuk janë shumë, por në jetën dhe veprimtarinë e Qendrës ato janë vite të lindjes, rritjes dhe konsolidimit të një institucioni që e filloi jetën në demokraci dhe u rrit sipas standarteve perëndimore.” Ne ndihemi krenar sepse puna jonë ka bërë që të gjitha kontigjentet e ushtarakëve tanë në misione jashtë vendit, në operacione paqeruajtëse dhe në shtabet e ndryshme të NATO-s, të ndërveprojnë me efektivitet dhe ti realizojnë detyrat me sukses në sajë të nivelit të mirë të gjuhës angleze apo gjuhë të tjera, duke dhënë kontributin e tyre në mbrojtje të paqes globale si pjesë e misioneve të OKB apo NATO”, theksoi ndër të tjera Z. Zenuni.

Më tej ceremonia ka vijuar me dhënien e Medaljeve dhe Certifikatave të Mirënjohjes. Në emër të Ministres së Mbrojtjes iu akordua Medalje :Për punë të Palodhur”, me motivacionin:”Për punë të palodhur dhe kontribut të çmuar për arsimimin në gjuhën angleze të personelit ushtarak e civil të FARSH”, znj. Flora Kapa dhe znj. Vjollca Bucpapaj. Gjithashtu u vlerësuan me Certifikatë Mirënjohje”, me motivacionin :” Për kontributin e dhënë në arsimimin e personelit ushtarak dhe civil në Forcat e Armatosura në gjuhën angleze”, dhe disa pedagogë dhe punonjës të kësaj qendre.

www.aaf.mil.al

Ekipi i Nënoficerëve ACO/SHAPE, EUCOM dhe Gardës Kombëtare të New Jersey-it vizitë në KDS

Një ekip i përbërë nga nënoficerë të ACO/SHAPE, EUCOM dhe Gardës Kombëtare të Neë Jersey-it kreu një vizitë disa ditore në isntitucionet e Komandës së Doktrinës dhe Stërvitjes. Ekipi e filloi vizitën e tij me një brifing të mbajtur në ambjentet e sallës së mbledhjes në Shtabin e KDS-së ku morën pjesë të gjithë nënoficerët që mbajnë detyrat dhe funksionet  më kryesore të nënoficerëve në Forcat e Armatosura. Gjatë këtij brifingu u trajtuan çështjet që kryesisht i përkasin trupës së nënoficerëve për trajnimin, edukimin dhe zhvillimin e karierës së tyre, mbështeja e trupës së nënoficerëve si dhe programet e zhvillimit, sistemi arsimor dhe integrimi gjinor. Në ditën që u pasua Ekipi i SHAPE u prit nga komandanti i Akademisë Nënoficerëve Kolonel Shkëlqim Sallaku në ambjentet e kësaj Akademie. Kolonel Sallaku  pasi i uroi mirëseardhjen të ftuarve, i njohu ata me rolin e rëndësishëm që ka Akademia e Nënoficerëve si një insitucion që ka përgjegjesinë dhe peshën më të madhe për arsimimin bazë të nënoficerëve. Gjithashtu, për të dhënë një panoramë më të gjërë, u mbajt një briefing informues, mbi misionin, strukturën dhe kurset që zhvillon kjo akademi.

 

Nga miqtë u prezantua tema mbi sistemin e edukimit, trajnimit dhe çertifikimit të instruktorëve, ku pati pyetje dhe diskutime mbi temën  me të pranishmit. Vizita vijoi ditën tjetër në Ambjentet e Shkollës së Trupës, Bunavi  ku ekipi i SHAPE u prit nga komandanti Kolonel David Rroku dhe më pas u mbajt një brifing në gjuhën angleze për misionin, rolin dhe përgjegjësitë e nënoficerit instruktor në Shkollën e Trupës. Në këtë takim ishin të pranishëm nenoficerë të shtabit të Shkollës së Trupës. Mbas briefingut ekipi i SHAPE ndoqi nga afër aspekte stervitore në Shkollën e Trupës.

Në axhendën e vizitës së ekipit ishte edhe Qëndra e Simulimit ku edhe këtu qëllimi i vizitës ishte njohja me këtë qëndër nëpërmjet një brifingu mbi misionin, detyrat, përgjegjësitë dhe kapacitetet që ka QS për trajnim. Pjesëtarët e ekipit pasi vlerësuan brifingun u intersuan për mënyrën e integrimit të stërvitjeve të kurseve të nënoficereve të ANO-së, me strukturat e tjera të FA-së si dhe integrimin e programeve simuluese.

Në mbyllje të vizitës së tyre ekipi i nënoficerëve të SHAPE mori një takim me personelin instruktor trajnues të KTO-së (Kursi i Titullimit të Oficerit). Ekipi i SHAPE mbylli vizitën mbas diskutimit të lirë që zhvilloi me trupën e nënoficerëve .

KUADRO DHE REKRUT TË SHKOLLËS SË TRUPËS DHUROJNË GJAK

Jeta është thesari më i çmuar që i është dhuruar njeriut, por jo gjithmonë është e lehtë për ta jetuar atë. Nëse shikoni në sytë e fëmijëve talasemikë, do të kuptoni se shtrohet një çëshje për jetë a vdekje. Gëzimi i tyre i vetëm është një qese gjaku, e bërë dhuratë prej dikujt me zemër të madhe, për ti dhënë më tepër jetë, më tepër shpresë për ta jetuar atë...

Me zemër të madhe janë edhe këta 60, Punonjës, djem e vajza rekrutë të Shkollës së Trupës në Bunavi që u treguan të gatshëm për tu bërë pjesë e dhurimit të lëngut të jetës për të sëmurët talasemikë. “Ne kemi gjetur një folezë të ngrohtë e mikpritëse këtu te Shkolla e Trupes”, është shprehur një nga pjesëtarët e Kryqit të Kuq. Dhe vërtetë, sa herë kanë ardhur këtu në Shkollën e Trupës ata kanë siguruar jo pak njësi gjaku dhe kanë kanë rikthyer me mijra buzeqeshje.

Qendra Shëndetësore e Shkollës së Trupës me stafin e saj u tregua e gatshme dhe ndihmoi në realizimin e gjithë procesit të dhurimit të gjakut, në bashkëpunimme Kryqin e Kuq. Nëpërmjet gatishmërisë së tyre për të ndihmuar njerëzit në nevojë dhe rekrutët ushtarakë të kësaj shkolle kanë të drejtë të ndjehen krenarë, si pjesa më e re e Forcave tona të Armatosura.

View the embedded image gallery online at:
http://www.tradoc.mil.al/index.php/en/#sigFreeIdcc1636c1c7