Komandanti i KDS përshëndet  Certifikimin e Kursit SIA Polici Ushtarake.

Në datë 02.04.2013 në ambjentet e Policisë ushtarake u organizua ceremonia e diplomimit të  Ushtarëve Profesionistë  të PU me rastin e përfundimit të Kursit të Stërvitjes Individuale të Avancuar. Në këtë ceremini mori pjesë Komandanti i Komandës së Doktrinës dhe Stërvitjes Gjeneral Brigade Bardhyl Hoxha, Komandanti i Policisë Ushtarake Kolonel Ylli Zylaj, Komandanti i kurseve N/Kolonel Xhelal Ilnica, stafi mësimdhënës i Departamentit të Mbështetjes me Shërbime i Shkollës së Trupës dhe efektivat të Policisë Ushtarake.

Fjalën e hapjes për këtë ceremoni e mbajti Komandanti i kurseve  të Departamentit të Mbështetjes me Shërbime i Shkollës së Trupës N/Kolonel Xhelal Ilnica, më pas aktiviteti vijoi me fjalën e përshëndetjes të  Komandantit të Policisë Ushtarake Kolonel Ylli Zylaj të cilët vlerësuan dhe falenderuan stafin mësimdhënës dhe kursanëtt për realizimin me sukses të këtij kursi. Më pas ceremonia vazhdoi me fjalën përshëndetëse të Komandantit të Komandës së Doktrinës dhe Stërvitjes Gjeneral Brigade Bardhyl Hoxha i cili në mes të tjerave tha:

Është kënaqësi për mua të përshëndes në këtë ceremoni të thjeshtë, por shumë kuptimplote kursantët që përfunduan SIA, specialiteti Polici Ushtarake. Me këtë rast ju shpreh ushtarëve profesionist urimet më të mira dhe suksese në detyrat e tyre funksionale në përmbushje të misionit të Policisë Ushtarake. Gjithashtu kjo ceremoni më jep kënaqësi të veçantë për një fakt tjetër, pasi e zhvillojmë në mjediset e policisë ushtarake, ku me mbështetjen e plotë të komandantit të PU, kryen aktivitetin jetësor arsimor Seksioni i PU të SHT.

Lexoje te plote

STËRVITJET 2 JAVORE FUSHORE U KURORËZUAN ME SUKSES ME STËRVITJET 24 ORËSHE TË KURSEVE NË ANO

Programet mësimore të kurseve në ANO përbëhen nga dy aspekte të edukimit dhe trajnimit të nënoficerëve, atë të formimit teorik dhe atë të zhvillimit praktik të materialeve teorike të marra nga kursantët. Në zbatim të këtyre programeve 3 kurset aktuale të ANO-së kanë përfunduar me sukses stërvitjet 2 javore fushore dhe në përfundim të tyre kanë zhvilluar stërvitjet komplekse 24 orëshe të zhvilluara në rajonin e Batalionit të Shabit të Përgjithshëm.

Kështu në datën 28-29.Mars.2012 përfundoi stërvitjen kursi i 48-të Fillestar me 46 kursantë, kursi i 29-të Bazë me 44 kursantë dhe kursi i 29-të i Avancuar me 30 kursantë.

Stërvitjet 24 orëshe të zhvilluara me Kurset e Nënoficerit u ndoqën në vijimësi edhe nga Komandanti i Kurseve N/Kolonel Shkëlqim ALSELA si dhe oficerë të tjerë të degës së Arsimimit dhe Kurseve.

Komandantët e kurseve, respektivisht Kapiten Saimir Kordha për kursin Fillestar, Major Bardhyl Basha për kursin Bazë dhe Major Mentor Palluçi për kursin e Avancuar, kishin marrë masa të plota organizative për zhvillimin me sukses të stërvitjeve. Por këtu s’mund të lihen pa përmëndur edhe instruktorët e të 3 kurseve, të cilët me angazhimin dhe punën e tyre i bënë këto stërvitje të përfundonin me sukses,pavarësisht kushteve të vështira atmosferike.

Gjatë zhvillimit të stërvitjeve kursantët shfaqën aftësitë e tyre në rol të komandantit të grupit në kursin Fillestar, të komandantit të skuadrës në kursin Bazë dhe në rol të komandantit të togës në kursin e Avancuar, të përvetësuara këto gjatë programit teorik në lëndën e përgatitjes taktike në ANO. Ata manifestuan disiplinë, përkushtim dhe profesionalizëm të lartë në kryerjen e detyrave të përcaktuara në programin e stërvitjes, duke arritur të gjitha nivelet dhe standardet e kërkuara nga FARSH.

Ajo që të binte ne sy tek këto stërvitje ishte shpirti i lartë i bashkëpunimit mes kursantëve, gjë që shfaqej më së miri nga aktivizimi i tyre i vazhdueshëm për përfundimin me sukses të detyrave të caktuara, të lidhura këto me një ndjenjë të lartë përgjegjësie. Pavarësisht kushteve të vështira të pamjes së kufizuar natën apo vështirësive të hasura gjatë stërvitjeve, ku nuk mund të lihen pa përmëndur vështirësitë e hasura nga temperaturat e ulëta këto 2 javë dhe moti jo i qëndrueshëm, nuk mungoi dëshira dhe përkushtimi i tyre për të përmbushur detyrat e ngarkuara. Secili kursant i njihte shumë mirë detyrat e tij dhe punonte fort për ti realizuar ato, gjithmonë në bashkëpunim me shokët e grupit, skuadrës apo togës, gjë që solli një atmosferë shumë pozitive në rajonin e stërvitjes dhe gjatë gjithë 24 orëshit të stërvitjeve. Kjo atmosferë përcillej që nga instruktorët e vazhdonte në mes të kursantëve. Instruktorët ishin gjithmonë pranë kursantëve të tyre për gjithçka ata kishin nevojë, duke iu dhënë ide, duke i ndihmuar në rast nevoje dhe duke rritur te ta ndjenjën e besimit në vetvete se ishin të aftë për ti realizuar me sukses këto stërvitje.

Gjithashtu vlen të përmendet edhe fakti se në stërvitje morën pjesë dhe kursante femra. Pavarësisht se trajtimi i kursantëve ishte i barabartë dhe pa dallime gjinore, kursantet femra u shprehën se u ndjenë mjaft mirë gjatë stërvitjes, kjo falë ndihmës së kolegëve të tyre për tu ndjerë sa më të qeta dhe të motivuara gjatë realizimit të stërvitjes. Gjë që u vu re mjaft mirë në komunikimin që ekzistonte dhe në realizimin e detyrave të secilës kursante pa hezitim

Kjo atmosferë i ndihmoi kursantët së bashku me instruktorët dhe komandantët që ta përfundonin stërvitjen me sukses të plotë dhe pa ngarkesa negative psikologjike.

N/Togere Morena Halilaj

Është zhvilluar stërvitja planëzuese “Veleçiku-2013” me kursantët e KLO

Nga data 18-27.03.2013, në ambientet e Akademisë së Forcave të Armatosura, me kursantët e Kursit të Lartë të Oficerit (KLO), u zhvillua stërvitja e planëzimit “Veleçiku 2013”.

Në këtë stërvitje, akademistët e KLO-së, ishin të organizuar si Shtab i Forcës Bashkuar/i përbashkët  në operacion mbrojtës.

Qëllimi i kësaj stërvitjeje ishte aftësimi i akademistëve në analizimin e situatës politiko-ushtarake në një periudhe krize dhe konflikti, si dhe njohja dhe përvetësimi nga ana e tyre, e koncepteve bazë të drejtimit të FA në nivelin  operativo-strategjik.

Disa nga objektivat që kjo stërvitje arriti të realizonte ishin:

Lexoje te plote

Zonja Arta MUSARAJ Zëvendës ministre e Mbrojtjes vizitën e parë të saj në  FA  ia rezervon Komandës së Doktrinës dhe Stërvitjes.

Në datë 20.03.2013 Zv/Ministrja e Mbrojtjes Znj. Arta Musaraj vizitoi Komandën e Doktrinës dhe Stërvitjes ku u prit nga Komandanti i KDS-së Gjeneral Brigade Bardhyl Hoxha.

Ky takim  u zhvillua në zyrën e Komandantit të KDS, ku i pranishëm ishte edhe Komandanti i AFA-së Kolonel Agim Sula. Gjeneral HOXHA i uroi mirëseardhjen  Zonjës  Zv/Ministre në ambientet e KDS-së. Komandanti nuk fshehu edhe privilegjin që kjo vizitë e parë në repartet e FA-së ishte pikërisht në Komandën e Doktrinës dhe Stërvitjes. Gjenerali i paraqiti Zonjës Musaraj një pasqyrë të aktiviteteteve dhe misionit kryesor të KDS.

Vëmendja kryesore e këtij takimi u përqendrua në sistemin arsimor ushtarak, problematikat dhe projektet për të ardhmen. Kryesisht temat të cilat u prekën në këtë takim ishte roli i pazëvendësueshëm i KDS-së në formimin dhe kompletimin e ushtarakut të të gjitha niveleve të FA-së po njëkohësisht ky institucion ofron mundësi trajnimi dhe zhvillimi edhe për civilët të cilët punojnë në FA. Gjeneral Hoxha e cilësoi KDS-në si “Vatra” kryesore e përgatitjes së ushtarakut të FARSH. Ky cilësim vjen pasi në KDS dhe kryesisht  institucionet arsimore të saj kanë një staf akademik me përvojë si në fushat shkencore brenda dhe jashtë FA por edhe përvojë në misione paqeruajtëse jashtë vendit. Gjithashtu komandanti përmendi edhe disa arritje mjaft të suksesshme të KDS-së duke zhvilluar stërvitje të cilat hynë si risi dhe një koncept i ri i përgatitjes së ushtarakut të FA-së sic ishte stërvitja e parë simultive me kursantët e KTHOSH “Preza 2012” ku në ceremoninë e mbylljes ishte i pranishëm edhe Ambasadori i SHBA-së Shkëlqesia e tij Alexandër Arvizu. Zonja Zv/Ministre u njoh edhe me programet studimeve master që zhvillon AFA të cilat janë të akredituara plotësisht nga MASH. Në këto programe ndiqen jo vetëm nga ushtarakë të FA-së por edhe nga civilë dhe punonjës në institucione të tjera të sigurisë në vend. Për tu përmendur mbetet fakti që KDS-në e kanë vizituar personalitetet të larta të botës akademike Shqiptare por edhe personalitete të larta të misioneve diplomatike të akredituara në Tiranë siç është edhe vizita si lektor në KLSM e ambasadorit të Bashkimit Evropian Ettore Sequi, vizita e ambasadores së Francës Zonja Christine MORO si dhe vizita e Ambasadorit të Kroacisë Z. Aleksander Stipetic.  Komandanti i KDS-së nuk mund të linte pa përmendur edhe rolin e pazëvedsueshëm që luajti KDS-ja në organizimin dhe mbështetjen e përgatitjeve për jubileun e 100 Vjetorit të Pavarësisë dhe Krijimit të Forcave të armatosura të Republikës së Shqipërisë  ky në këtë kuadër priti në ambientet e saj efektiva nga të gjitha forcat e njësi brenda dhe jashtë FA-së. Në vazhdim të arritjeve në kuadër të 100 vjetorit zv/ministrja u njoh edhe me konferencën shkencore që organizoi K.D.S. “100 Vjet Shtet Shqiptar-100 Vjet Forca të Armatosura. Në vazhdim të trajtimit të bisedës u prekën edhe çshtje të tjera që kanë të bëjnë me funksionimin e disa prej Qendrave dhe Institucioneve arsimore të KDS-në ku në thelb shtrohet çshtja mënyra e trajnimit dhe arsimimit e ushtarakëve të FA-së këtu u përmend Qendra e Simulimit, funksioni i saj, si veprohet me skenarët e stërvitjes, forcat që marrin pjesë në stërvitjet simuluese “Joint”  dhe programi “JCATS. Gjithashtu u trajtuan  Çështjet e arsimimit dhe roli që luan seicila forcë  në sistemin arsimor për të vazhduar me vizitën e ekipit të Komandantit të KDS në Gardën e New Jersey ku në këtë vizitë u prekën planet e bashkëpunimit. Hartimi i kurikulave të inkorporuar me kurikulat e Gardës së New Jersey. Një pjesë tjetër e rëndësishme ishte sistemi i rekrutimit në FA, arsimimi i rekruteve të rinj me modelet e reja akademike për oficerët dhe nën/oficerët e FA. Mënyra e rekrutimit, kriteret e përzgjedhjes, stërvitja dhe trajnimi i tyre. Roli që do të ketë në të ardhmen n/oficeri i FA .Lëndët që duhet të përmbajnë programet mësimore, vendi dhe roli që do të ketë gjuha angleze, dhe mënyra e testimit. Integrimi dhe bashkëpunim me lektorë nga Garda e RSH. Ndryshimi i mentalitetit dhe psikologjisë së ushtarakut.

Më pas vizita vijoi në ambientet e Qendrës së Simulimit, ku u prezantua një brifing për misionin, strukturën, funksionin e kësaj qendre. Programet JCATS dhe VBS2 roli dhe funksioni i tyre.

Zv/Ministrja e Mbrojtjes u njoh me ambientet e tjera të KDS, në përfundim të vizitës së saj, ajo vlerësoi punën e kryer dhe arritjet e deritanishme.