Kursi i Lartë i Nënoficerit

Misioni

Zhvillimi i elementeve themelor të personalitetit të kapterit si këshilltar, metodist, zotërues të teknikave të punës në shtab, ndihmës kryesor për veprimtarinë operacionale të kompanisë, me aftësi të mira për komunikim e drejtim.

Kursi i Lartë zhvillohet vetëm në ANO dhe zgjat 8 javë. Ky  kurs ndiqet vetëm nga nënoficerët me grafën Rreshter dhe ka për qëllim përmirësimin e aftësive të demostruara të drejtimit, të zhvillimin e njohjes së rolit të nënoficerit me eksperiencë (si anëtar i stafit të komandantit) duke komunikuar efektivisht me shkrim e me gojë me eprorët, vartësit e homologët. Nënoficeri përgatitet të marrë detyra të larta me gradën Kapter dhe përgjegjësi si këshilltar në shtab.

Pranimi i kandidatëve për Kursin e Lartë bëhet mbi bazën e kritereve të mëposhtme :

• Të mbajë gradën Rreshter jo më pak se 2 vjet

• Të ketë përfunduar Kursin e Avancuar në ANO dhe në Shkollën e  Trupës.

• Të ketë nivelin 2/1/2/1 të gjuhës Angleze sipas STANAG 6001

• Të kalojë testin fizik e intelektual të pranimit në ANO.

Kandidatët duhet të kenë këto dokumente për regjistrim.

• Shkresën për në kurs nga komandanti i Forcës/Rep.

• Të dhëna personeli me firmë e vulë të njomë

• Çertifikatën e përfundimit të kursit të Avancuar (ANO + SHT) origjinale ose të noterizuar

• Çertifikatën e gjuhës angleze origjinale ose të noterizuar.

• Fotokopje e Kartës së Identitetit.